Peace, Love, Death Metal er 22 ára í dag!
Ef þú þekkir þessa hljómsveit á annað borð, þá þekkir þú líklega bleika og bláa umslagið af geisladisknum og Spotify (sjá innfellda spilarann neðar).
Hér er á ferðinni hressandi, dansvænt, sveitt og sóðalegt bílskúrsrokk. Frábær plata sem kemur mér alltaf í stuð, en það er nánast óhjákvæmilegt að dilla sér svolítið við þennan kjána- og dónaskap.
Hlið Boogie
- I Only Want You
Aðili vill aðeins líkamlegt samband, enga tilfinningalega nánd. - Speaking in Tongues
Löðrandi sveittur kynþokki. Uppáhaldslagið mitt með þeim. - So Easy
Áframhaldandi daður og kynferðisleg spenna. - Flames Go Higher
Hér er ástríðan sett fram í helvítis djöfullegum myndlíkingum. - Bad Dream Mama
Viðreynslan heldur áfram. Það vantar ekkert upp á sjálfsöryggið. - English Girl
Skipt um gír í texta. Ekki eins hispurslaus áræðni og í fyrri lögum. Bíltúr og rómantík. - Stacks O’Money
Sögumaður byrjar lagið með seðlabúnt en endar með ekkert í lok lags eftir vafasöm viðskipti.
Hlið Woogie
- Midnight Creeper
Hin hliðin á plötunni byrjar á krúttlegu lagi um raðmorðingja sem læðist inn til fólks á meðan það sefur og sker á háls. - Stuck in the Metal
Ábreiða af laginu Stuck in the Middle með Stealers Wheel. Textanum er breytt aðeins á skemmtilegan hátt. - Already Died
Dekkra og þyngra en flest á plötunni. Melankóliskt lag um samband sem er lokið. Flutningurinn kemur þó í veg fyrir að þetta sé eitthvað dramatískt. - Who’ll Kiss the Devil
Einhverjir gætu haldið að hér sé verið að hygla djöflinum. Ég held að þetta sé nú bara kómísk sjálfumgleði forsprakka sveitarinnar Jesse “The Devil” Hughes. - Whorehoppin’
Hér erum við aftur komin í kynferðislega spennu, perraskap og karlagrobb í bland við eyðimerkurbíltúra. - San Berdoo Sunburn
Hugljúft sing-along um frelsið á vegin. Roadtrip fílingur. - Wastin’ My Time
Tímaeyðsla. Tímanum er reyndar vel varið í að hlusta á þetta lag, enda með kúabjöllum. - Miss Alissa
Ágengur kvennabósi gerir sitt besta til að heilla frú Alissu.