Kjúklingasalat með kjúklingabaunum og beikoni

Forhita ofn í 220° undir/yfir
Hræra saman í litla skál, 2 msk af grískri jógúrt ,1 tsk sinnep, ½ tsk salt og ½ tsk pipar
Skera 400 g af kjúklingalundum í litla bita og velta upp úr jógúrtblöndunni. Leyfa að marinerast.
Skola eina dós af kjúklingabaunum og svo blanda saman við 200 g af beikonkurl ásamt ½ tsk salt og ½ tsk pipar og dreifa úr þessu á bökunarpappír.
Skera 2 stk romasalathjörtu í strimla og 1 stk tómat í litla bita. Blanda þessu saman í stóra skál.
Hræra saman með töfrasprota: Afgang (8 msk) af grískri jógúrt, 1 tsk sinnep, 1 tsk aioli, 1 tsk worcestersósa og 10 g af parmesanflögum

Setja kjúklingabauna og beikon blönduna í 220° heitan ofninn í 15-20 mínútur.
Hita 1 msk af ólívuolíu á háum hita og steikja marineraða kjúklinginn þar til hann er klár.
Þegar kjúklingabaunir og beikon er klárt, þá er því blandað við salat og tómata í stóru skálinni.
Næst eru jógúrt, sinnep, aioli, worcester og parmesan sullið hrært saman við allt í stóru skálinni.
Að lokum er kjúklingurinn blandaður við stóru skálina
Borið fram með afgang af parmesanflögum