Chorizo- og kjúklingapasta - Frosti Bjarnason

Setja 1400 ml af vatni og 2 tsk af salti í pott (fyrir pasta)
Skera 1 stk (150 g) chorizo og 1 stk papriku í litla bita og það fer saman á disk eða í skál.
Skera 800 g af kjúklingalundum í fjóra bita hverja og velta þeim upp úr 2 tsk pipar og 1 tsk salt.
Setja 2 msk af olíu á pönnu.
Blanda einni krukku (400 g) af pastasósu við 250 ml af rjóma í sósupott.
Rífa 50 g af parmesan osti.
Forhita ofn við 190° undir/yfir.

Kveikja undir hellunni með vatninu á hæsta styrk. Þegar fer að sjóða, þá lækka í miðlungsháan hita, setja pasta út í og láta sjóða í 10 mínútur.
Kveikja undir hellunni með pastasósu og rjómablöndunni á miðlungsstyrk. Leyfa þessu að malla í rólegheitunum á meðan allt annað er að eldast. Hræra í, af og til.
Kveikja undir pönnunni með olíunni á miðlungsháum styrk. Þegar olían er orðin heit, þá fer kjúklingurinn á pönnuna í rúmlega 5 mínútur.
Næst er að blanda chorizo og paprikunni saman við kjúklinginn á pönnunni og malla í rúmlega 5 mínútur í viðbót.
Hella vatni af pasta og pasta í skál, hella kjúklingu, chorizo og papriku af pönnunni í skálina og að lokum hella úr sósupottinum í skálina. Blanda öllu vel saman.
Flytja yfir í eldfast mót, strá yfir mozzarella, svo cheddar og að lokum parmesan. Inni í ofn í 25-30 mínútur.