Fyrsta plata Lynyrd Skynyrd er 53 ára í dag!
Stórkostleg átta laga frumraun sem inniheldur þrjú bestu lög þeirra á ferlinum! Mitt eintak er appelsínugulur vínýll í gatefold umslagi sem kom út á 50 ára afmæli plötunnar. Ég veit þó ekki til þess að þetta hafi verið sérstök afmælisútgáfa.
Hlið One á umslagi, 1 á plötu
- I Ain’t the One
Sögumaður hafnar konu sem er á eftir honum. Honum finnst m.a. loforð hennar um fjárhagslegt öryggi í gegnum föður sinn óþægileg. - Tuesday’s Gone
Eitt af þeirra þremur bestu lögum. Það er fortíðarþrá í þessu lagi. Þetta er spilað í upphafi og lok Happy Gilmore og kveikir strax í mér hlýju. Einnig er eftirminnileg ábreiða af laginu á Metallica plötunni Garage Inc, þar sem Gary Rossington gítarleikari Lynyrd Skynyrd er með þeim, ásamt Les Claypool úr Primus, tveggja meðlima úr Alice in Chains og nokkurra annarra þekktra hljómsveita. - Gimme Three Steps
Fyrsti singúll af tveimur á plötunni. Viðreynsla við frátekna dömu sem hefur þær afleiðingar að kærastinn dregur upp byssu. Frábært lag, en ekki eitt af þeirra þremur bestu. - Simple Man
Annað af þeirra þremur bestu. Móðir leggur syni sínum lífsreglurnar. Notalegt og gullfallegt lag.
Hlið Two á umslagi, 2 á plötu
- Things Goin’ On
Gagnrýni á forgangsröðun stjórnvalda. Það er meiri peningum eytt í stríðsrekstur heldur en félagsleg vandamál. - Mississipi Kid
Það er suðurríkjastolt í sögumanni, sem er nokkuð prúnkinn með sig. - Poison Whiskey
Boðskapur sögunnar er að fara varlega í vískídrykkju. - Free Bird
Síðasta lagið á plötunni, er hluti af þeirra þremur bestu lögum. Það er með trega sem náunginn velur frelsið yfir ástina. Gítarsólóið í lokin mjög þekkt.