Afmælisplata #43: Queens of the Stone Age – Rated R

Rated R er 26 ára í dag!

Önnur breiðskífa Queens of the Stone Age heitir Rated R. Það er staðreynd, þrátt fyrir að mitt eintak sé titlað “Feel Good Hit of the Summer” á kili. Kallast þetta kjölur?
Það er semsagt rangur plötutitill þar, engir lagatitlar á bakhlið (né framhlið) og dónamyndir inni í opnu. Það eru svo reyndar lagatitlar og textar á einblöðungi inni í umslagi. Hvað sem þessu öllu líður, þá er tónlistin á plötunni frábær!

Hlið A

1. Feel Good Hit of the Summer
   Hér hefur “Hit” tvöfalda meiningu.
2. The Lost Art of Keeping a Secret
   Með betri lögum plötunnar. Það er um mök.
3. Leg of Lamb
   Ekki um lambalæri, en fínt lag.
4. Auto Pilot
   Afslappað lag á sjálfsstýringu.
5. Better Living Through Chemistry
   Ávísun í lyfseðilsskyld lyf? Þetta lag flýtur.
6. Monsters in the Parasol
   Mátuleg blanda af hressleika og sýru. Svolítil vænisýki.
7. Quick and to the Pointless
   Klapp og stuð í anda Eagles of Death Metal.

Hlið B

1. In the Fade
   Mark Lanegan gestasöngvari. Frábært og vanmetið lag sem endar á vísun í upphafslagið.
2. Tension Head
   Keyrslulag um eiturlyf með Nick Oliveri í aðalhlutverki.
3. Lightning Song
   Notaleg brú yfir í næsta lag.
4. I Think I Lost My Headache
   Byrjar á flottum stoner nótum, þaðan í skemmtilegan millikafla með hraðaaukningu sem endar svo í mjög undarlegum blásturshljóðfæraleik.
5. Ode to Clarissa
   Aukalag á minni útgáfu.