🇷🇼 Igizafuliya - Frosti Bjarnason

Saxa 2 stk lauk, skera 2 stk papriku í bita og 1 stk púrrulauk í þunnar sneiðar. Blanda saman í skál.
Skera 3 stilka af selerí og 3 stk tómata í litla bita og blanda í aðra skál ásamt 2 msk af tómatpúrru.
Afhýða og helminga 2 stk matbanana og svo skera í tvennt langsum svo hvor matbanani er í fjórum bitum.
Sjóða 500 ml af vatni og hræra út í 2 tsk af salti og 2 tsk af pipar.
Setja 50 ml af olíu í steypujárnspott.

Hita olíu á háum hita. Þegar hún er orðin heit, þá steikja kjúklingalærin á hvorri hlið þar til þau brúnast.
Setja skálina með lauk, papriku og púrrulauk í pottin og láta malla í 10 mínútur.
Lækka í miðlungshita og bæta við skálinni með selerí og tómötum og láta malla í aðrar 10 mínútur.
Næst fer vatnið með salti og pipar í pottinn. Ná upp suðu, lækka í miðlungslágan hita og svo aftur malla í 10 mínútur.
Fjarlægja 2 læri úr pottinum og setja matbananana út í, spínat yfir þá og svo lærin aftur yfir þetta. Láta malla undir loki í 25 mínútur.