🇲🇽 Mexíkósk grýta - Frosti Bjarnason

Skera eina gula og eina rauða papriku í bita og setja í skál ásamt einum grófsöxuðum lauk
Gera kryddblöndu í lítinn bolla: 1 tsk pipar, 2 tsk paprikukrydd, 1 tsk laukduft, 2 tsk salt, 1 tsk hvítlauksduft, 2 tsk cumin, 2 tsk ítölsk kryddblanda
Blanda 2 msk af nautakraft við 400 ml af vatni
Mæla 200 ml af grjónum og leggja til hliðar
Saxa græna hlutann af vorlauk

Hita 2 msk af olíu á háum hita á stórri pönnu og svo brúna 800 g af nautahakki
Lækka í miðlungshita og blanda skálinni með lauk og papriku saman við og leyfa að mýkjast
Nú fer dós af niðursoðnum tómötum, 200 ml af salsasósu og nautakraftssoðið saman við.
Þegar suðu er náð, þá lækka í lágan hita, setja grjónin út í og lok yfir. Leyfa þessu að malla í hálftíma.
Bera fram með meðlæti til að strá yfir: 200 g af rifnum osti, saxaður vorlaukur, ein dós af gulum baunum og poki af tortilla flögum