🇲🇹 Imqarrun - Frosti Bjarnason

Grófsaxa 2 stk af lauk
Afhýða 3 hvítlauksrif
Blanda saman eftirfarandi kryddum, 1 tsk af hverju. Karrí, cumin, paprika, oreganó, timían og rósmarín.
Setja 2500 ml af vatni og 3 tsk af salti í pott fyrir pasta.
Rífa 120 g af parmesanosti. Setja 60 g til hliðar til að strá yfir eldfast mót síðar, en hin 60 g í litla skál, ásamt 2 eggjum og 200 ml mjólk. Hræra vel saman.

Hita 1 msk ólívuolíu í steypujárnspott á miðlungs hita og steikja lauk þar til hann verður glær. Bæta svo við 3 pressuðum hvítlauksrifjum og steikja í mínútu í viðbót.
Hræra kryddblöndu út í ásamt 1 msk af tómatpúrru og leyfa að malla í örfáar mínútur.
Setja 1 kg af grísahakki út í ásamt 1 tsk salti og 1 tsk pipar. Láta malla þar til hakkið er steikt.
Nú fer 750 g af pastasósu ásamt 2 lárviðarlaufum í pottinn. Hræra vel saman.
Þegar suðu er náð, þá er lækkað í lágan hita og látið malla undir loki í 45 mínútur.
Forhita ofn í 180° á undir/yfir hita.
Þegar hálftími er eftir af kjötinu, þá má kveikja undir pottinum fyrir pastað á hæstu stillingu.
Þegar vatnið bullsýður, þá lækka í miðlungshita setja pasta út í og soðið þar til 2 mínútur eru eftir skv. leiðbeiningum.
Sigta vatn frá pasta, fjarlægja lárviðarlauf úr steypujárnspotti og hræra pastanum saman við kjötið.
Næst fer skálin með eggjunum, mjólkinni og parmesan í steypujárnspottinn og öllu hrært vel saman.
Hella öllu saman í eldfast mót, strá 60 g af parmesonosti yfir ásamt 2 tsk af svörtum pipar og inn í ofn í 45 mínútur.