🇧🇧 Bajan Beef Stew - Frosti Bjarnason

Krydda 1 kg af nautagúllasi með 1 tsk af salti, 1 tsk af pipar og 2 pressuðum hvítlauksrifjum.
Afhýða og sneiða 3 stk skallotlauk.
Skera 2 stk sellerí í stóra bita og setja í skál til hliðar ásamt 4 stk af flysjuðum gulrótum sem hafa verið skornar í stóra bita sömuleiðis.
Mæla og skola 200 ml af grjónum og setja til hliðar.
400 ml af vatni og 1 tsk af salti í grjónapott.

Hita 1 msk af olíu í steypujárnspotti við miðlungsháan hita og brúna sneidda laukinn ásamt tveimur pressuðum hvítlauksrifjum. Fjarlægja svo í skál.
Í sama pott fer nú kjötið ásamt 1 msk af púðursykri. Leyfa kjötinu að brúnast í nokkrar mínútur á meðan púðursykurinn bráðnar.
Nú fer 400 ml af vatni í pottinn ásamt 1 msk af worcestershire sósu, blönduðu kryddjurtunum, paprikukryddi og allrahanda. Hræra vel saman og þegar suðu er náð, þá lækka í miðlungslágan hita og láta malla undir loki í 90 mínútur.
Fjarlægja kryddjurtirnar og bæta gulrótunum og sellerí í pottinn. Aðrar 30 mínútur undir loki.
Til að þykkja sósuna, er 2 msk af hveiti og 1 msk af smjöri hrært út í. (eða eftir þörfum/smekk)
Grjónapottur í botn. Þegar suðu er náð, er lækkað í lágan hita og grjónin malla undir loki í 10 mínútur.
Slökkva undir grjónapotti og láta standa í 10 mínútur í viðbót.