Hráefni
- Steinselja, 15 g
- Laukur, 1 stk
- Tómatur, 1 stk
- Paprika, ½ stk
- Hvítlaukur, 8 rif
- Þurrkað oregano, 1 msk
- Paprikukrydd, 1 msk
- Sjávarsalt, 3 msk
- Lárviðarlauf, 1 stk
- Pipar, 1 tsk
- Rauðvínsedik, 65 ml
- Vatn, 65 ml
- Ólívuolía, 250 ml
- Nautaentrecote, 4 sneiðar (200-300 g hver)
- Mildur laukur, 2 stk
- Kóríander, 15 g
- Hvítvínsedik, 115 ml
- Ferskt timían, 2 msk
- Ferskt oregano, 1 msk
- Cumin, 1 msk
- Ofnkartöflur, 4 stk
- Fersk salvía, 8 laufblöð
- Smjör, 140 g
Undirbúningur
Chimichurri
- Skera 1 stk lauk, 1 stk tómat og hálfa papriku í litla bita og setja í skál ásamt 4 pressuðum hvítlauksrifjum, 15 g saxaðri steinselju, 1 msk þurrkaðu oregano, 1 msk paprikukryddi, 1 muldu lárviðarlaufi, 1 msk sjávarsalti, 1 tsk pipar og leyfa þessu að sitja í 30 mínútur.
- Blanda 65 ml af rauðvínsediki og 65 ml af vatni í skálina og sitja í aðrar 30 mínútur.
- Blanda 115 ml af ólívuolíu í skálina, hræra vel saman flytja í glasílát með loki og inn í ísskáp í 6 tíma.
Nautasteik
- Saxa 2 stk af mildum lauk, 15 g af kóriander, 2 msk af fersku timían og 1 msk af fersku oregano og setja í ziploc poka ásamt 4 pressuðum hvítlauksriflum, 115 ml af hvítvínsediki, 65 ml af ólívuolíu.
- Stinga steikur með gaffli setja þær í pokann, velta öllu saman og inn í ísskáp í 6 tíma.
Kartöflur
- Bræða 100 g af smjöri og blanda við 70 ml af ólívuolíu ásamt 8 söxuðum salvíulaufum.
- Skera raufir í 4 stk ofnkartöflur, velta þeim uppúr smjör og ólívuolíu blöndunni og strá ½ msk af sjávarsalti yfir hverja kartöflu. Setja í eldfast mót.
- Forhita ofn í 220° undir/yfir
Aðferð
Nautasteik
- Hita ninja grill á medium, stillt á 12 mínútur.
- Taka steikurnar úr ísskápnum, skafa stóra bita af marineringunni af þeim og setja á grillið í 6 mínútur á hvorri hlið.
Kartöflur
- Setja kartöflur inn í ofn í 45 mínútur.
- Taka þær út, pensla vökva yfir þær og setja 10 g af smjöri yfir hverja og aftur inn í ofn í 20 mínútur.
Bera steikur fram með chimichurri ofan á.